ولاد الكلب..ع الشاشه

ولاد الكلب..ع الشاشه

خمورجيه..و..حشاشه

و شخصيات هلاميه

بياكلوا لحمتك نيه

عديمي الأصل...و النيه

و بيحطوكي في الشيشه

أبوك محروق و أمك

أبوك محروق و أمك

يا دوابشه و كله هالك

بكره هاننسى دمك

و ها نرقص للزمالك

** ** ** **

مستوطنين حثاله

زبالة الوجود

عايشين ع الدنيا عاله

يا أنجس اليهود

رباعيات من ديوان على الدوابشه الرضيع الذى حكت علبه إسرائيل بالموت حرقا

رباعيات من ديوان على الدوابشه الرضيع الذى حكت علبه إسرائيل بالموت حرقا

آه يا على الدوابشه

حرقوك فى طوفان لهب

كل العرب دواعشه

مين اللى قال عرب

** ** ** **

ينعل أبو اللى يكتم

كلمه ضد اليهود

مش قادر حتى يشتم

و قاتلنا ع الحدود

رباعيات من ديوان كامل عن الطفل على الدوابشه

هذه الرباعيات من ديوان كامل عن الطفل على الدوابشه

الذى أحرقته مجموعه من الكلاب الإسرائيليه

يادوابشه و انت رضيع

سماك إلهنا شهيد

القدس دى ها تضيع

طول ما العرب بتحيض

** ** ** **

يا عروبة الأوباش

روحكوا فى تل أبيب

باعكوا اليهود ببلاش

و داسوكوا بالقبا قيب

على الدوابشه هرب

على الدوابشه هرب

منكم يا عار العار

إسلامنا لما انضرب

صبح العرب كفار

** ** ** **

يا اللى انت مخك حجر

لسه اليهود حواليك

فى القدس حرقوا الشجر

بالوا فى لحظه عليك

زويل..ما كانشي عاشق..

زويل..ما كانشي عاشق..

ليكي..يا أرض طاهره

كان ويا وسامه راشق..

م الغرب..ألف زهره

..مليون بخيل..

فيكي..مليون بخيل..

و لا عمره ليكي بص

و يا مصر كان زويل..

بيحب نفسه..بس

بلاش يا مصر نتقل

بلاش يا مصر نتقل..

علي جرح..ما زال تقيل

أنا بس عايز اسأل..

خدمنا زويل في إيه

إحنا اللي صوننا عرضك

إحنا اللي صوننا عرضك

و كتبنا في النشيد

زويل رجع لأرضك

و القصد..يستفيد

وحياة رب المداين

حبيبي يا حبيبي

حبيبي حبيبي

من ديواني عن الشخص الأخر

من ديواني عن الشخص الأخر

*مش قولتلك..سيبك بقي..

م الشعر..و حروف القلق

مش قولتلك..

إن الوجع..و الإكتئاب اللى انخلق..

جواك..

نتيجه لانهمكك فى الكتابه و القرايه..

و انهماكك فى السبق *

رديت..

**ناقشنى فى أى شئ..

إلا القصايد و التجارب..

سيبنى لحصان المعانى اللى انطلق **

* هل جيبت للمولود حصان ؟

هل جيبت للبنوته حتى طيف حلق ؟ *

رديت..

**أنا..

يكفينى إن كلامى واصل للجميع

و ما زلت قادر ع العطا

يكفينى إنى بقيت شتا..

جوه سنين الحر..و دروب العرق **

*قلبك غرق فى الدوامات..قلبك غرق

و ما زلت بين الناس..

فى حالة ضيق تنفس مزمنه

و لا حد قدملك بقلبه سوسنه

و لا حد شالك فى المرض *

** دا شئ مقدس..و انفرض

الشعر جزء مهم جدا من حياتى..

عمره يوم..ما ها ينقرض

صورة الشاعر ابراهيم رضوان.

أرجوكى .. لا أملك نبق

أرجوكى .. لا أملك نبق

ولا كان بإيدى تدخلى .. أو .. تخرجى

ولا كنت أملك ياحبيبة قلبى .. أفتح بابى

لاجل تبصى .. إوعى ف أى يوم تتفرجى

نصى جراح .. نصى قلق

لا أقدر اجيبلك يوم حلق

ولا هاوهبك .. إلا السواقى الناشفه فى غيطان السكوت

لحظه باعيش .. وساعات بموت

فبلاش تسيبى على بيبانى الدايبه إسمك .. إهربى

عطشانه ؟ نفسى .. بس مش ممكن معايا ها تشربى ..

إلا السهاد

إيه اللى خلى القلب يرجع تانى يتمنى الميلاد

والعمر مش ممكن يعاد .. ياطيبه

هارسم على صدرك شراع للمركبه

وهادارى ضوء الشمس

مش عايزك تشوفى فى العيون .. ذكرى الصبا

كل اللى كان حواليّه .. مات

كل اللى بان فى عنيّه .. أصبح ذكريات

حتى انتى .. شايفك بسمه من مليون سنه

حتى انتى شايفك سوسنه .. فى جيب جاكته قديمه ..

من عهد الطواقى .. و الوجوه المؤمنه

صبيتى فىّ الحزن .. كان حزنى القديم

يكفينى ميت مليون سنه

وباحب فيكى محبتك

وباحب فيكى مناقشتك

وباحب فيكى تراجعك ..

عن أى شئ يضايقنى .. أو يتعب فى قلبى اللى انكسر

شفتك بقلبى .. نفسى اشوفك بالبصر

يا ام القميص شفاف دخلنى .. واختلط بالأورده

عمر العواطف مهما كانت .. تبقى يوم متحدده

ممكن تكون متجدده

لكن بتهرب من جميع الأمكنه

لو يوم( هروب ) منها دنـا

أو لحظه باست فى الملل

آه يازلط .. جوه الحلل

الجوع قتلنى منذ أعوام الطفوله المعدمه

والسجن داسنى .. فقدت عمرى فى زحام المعتقل

والتحقيقات .. والتهديدات

والضرب قاسى بدون سبب

حطى إيديكى على الجراح المره .. قومى لملمينى .. برعشتك

إبكى على كتفى اللى مال

واتدارى منى فى المخده البايشه من عرق اللقا

اللى حضن فى رقبتى ..لأه .. مش قطان .. دا مشنقه

والأوضه لسه ضيقه

وعروقى لسه ضيقه

ودروبى لسه ضيقه

ورجعت تانى .. برغبتى .. أرسم خيوط للشرنقه

واهرب من المليون حقيقه .. للسكون

يا حبيبتى .. يمكن تعترينى ف لحظه رعشات الجنون

واهرب من الخيمه اللى فيها بلوزه .. فوق مسمار قديم

وأسيب عشانك شِعر يقدر يوصفك

كان نفسى أقدر انصفك

وأصالح القلب الكسير

ياحبيبتى ع الأيام .. واصالحك ع الزمن

بس الوطن .. ما بقاش وطن

بس الصديق .. ما بقاش صديق

ولا ع الطريق . جنة عدن

بس العطن .. دخل النفوس من جوه ..

خلى الدم يهرب م العروق

والشمس كرهت فى الشروق

ووقعت من فوق الجبل ..

مجروح .. وداسنى حصانى فى بدء السبق

أرجوكى .. لا أملك نبق

ولا نخله توهب كفتك .. ضله عشان الليل ينام

نامى فى جيبى واحلمى

يمكن يعود السندباد الفاضى .. لو تتكلمى

يمكن أعود من تانى أعزف من جديد

غنوة محبه تصحى ديكك ع السطوح

أرجوكى .. مش قادر أمام الناس أبوح

وأروح لكل مكان ..

أدوّر ليكى عن جورنان يدارى دمعتك

إنتى مداريّه عنى إيه

حاسس كأنك فوق حبال الصبر .. ماشيه .. بألف شئ تتمرجحى

لو تسمحى .. صارحينى ..

يمكن اشارك القلب اللى دايب دقته

يمكن أحط جراحى .. داخل روحى .. واقدر أنقذك

من أى حاجه تعكر البحر الرقيق

لو كان لقلبى يوم طريق

أنا كنت هاقدر أطرحك .. شجره ..

تخلى الكون ضواحى .. وبيت يساعى قلبنا

بس المحيط اتدارى ساعه ما احنا جينا ننزله

لا قدرنا تانى نغزله

ولا شفنا نهر النيل سمك

إتفضلى ..آدى القميص ليكى شبك

واللى اتشبك .. قلبى وقلبك جوه صنارة خروج

النيل ما عادش فى قلبه موج

وانا زى موج النيل .. سراب

دقى على الباب الكبير .. هاتلاقى بعده ألف باب

صندوق فى جوف صندوق .. فى جوف صندوق

وريشه من جناح .. عصفوره لسه ميته

دخل الشتا جوايا .. صابنى .. لقيت لحافك فزدقى

فاتشرنقى فىّ غريبه من العيون الضيقه

فى قلب شريانى المدمر .. إشرقى

واترقرقى ميه شريفه واصدقى

وإن يوم دخلت شرانق الموت العفيف

إوعى فى يوم تبكى علىّ .. أو فى يوم تتشرنقى

وتدخل دورة الميّه 9 مرات

وتدخل دورة الميّه 9 مرات

بتستنى .. 

قدوم القطر جايب لحمه من ( تانزانيا ) .. تشويها

وتلعق فيها .. ( تعبان الجحور الخشنه .. يشبهلك )

وتستنى .. لعل القاضى يبعتلك مصليّه

تبيعها للى باع كل العزال .. وارتاح من النوَّه

خناجر جوع .. بتلحس عضمك اللى اتدارى من جوه

وبتهزك .. وبتجزك

وتحلب بزك العدمان من النومه

صراخ البومه يلحس ودنك المفتوحه

تجرى بدون مداس ع الباب

وتدخل دورة الميّه 9 مرات

وإيدك تترعش 

لسه اللحوم .. والجيفه .. والأزميل على السكه

وتنسى مكه .. تنسى مدينه شاهده عليك 

شبح واقف بيتهجى .. ويترجى المدد يوصل 

مازال اللحم متأخر 

مازال المرمر المدهوس تراب .. 

ماوصلش من بره

مازلت بتترعش .. 

جسدك بيترجاك تبص عليه

وتتوصى بأعضائه 

لا يمكن داؤه هايسيبه 

ولا هايجيبه غير لجهنم العاميه

يا ( دُميه ) جوه بحر الشهوه والأزميل

ما ترضخ للبهاق اللى ابتدى يظهر فى نظراتك

وتهجر عشها الخربان

من الولد القديم الحافى .. والغربان 

ماتنساها .. عشان تلقاها جثه جوه ألف مكان

لا يمكن يوم هاتنسى هواك .. هاتتألم

بلاش تسمعها .. لو بدموعها تتكلم .. وقول ناسى

يتيمه .. قلبها عاصى .. مفيش إحساس

مفيش مبدأ .. مفيش إخلاص .. مفيش تفكير

إذا لمحت حصان أخضر .. تروح للغير

وتفرح لو تغير .. تدهس فى أعضائك

وتحضن كل أعدائك

ما تخرج بعد نص الليل 

على النيل اللى ناده ليك .. وتتوضى

ماتركب مركبه فضه .. وتتاوب

عشان تقدر فى قبر الخوف 

إذا سألك ملاك 

تصحاله 

وتجاوب

التجربه رقم 77 من ديوانى عن الشخص الآخر

التجربه رقم 77 من ديوانى عن الشخص الآخر

قاللى..

*فراق الناس أحسن *

**يعنى انسحب ؟ **

قال..

* يستحسن *

.........................

و حضرت ميت مليون ندوه

ما لقيتشى فيهم ولا قدوه

و لا حد ها نسميه شاعر

و الكل متصاب بالعدوى

عدوى الكسور..عدوى شروخهم

عدوى القصور..جوه نافوخهم

و لا حد نافع فى شيوخهم

و الكل ع السكه بيعرج

قاللى..

* بلاش ليهم تخرج

دول كدابين زفة قراقوش

و العمر منهم ضاع ببلاش

ما بقاش معاك غير ربع جنيه

قوم وزعه على حلق حوش

و ان كان فى نص السكع وحوش

إجنى بقى البرسيم كله

قلبك خلاص..يكفيه ذله

بين الفنادق فى البندر

من وقفته قدام بنجر

دول كدابين..شايلين خنجر

و ما بيبن هدومهم..فرقله*

** هما صحيح فعلا.. قله

لكنهم عارفين عنى..

شكلى..و لون قلمى..و سنى**

...................................

سابنى وحيد..و..هرب منى

التجربه رقم 80 من ديوانى عن الشخص الآخر..مهداه لصديقى الشاعر محمود خطاب

التجربه رقم 80 من ديوانى عن الشخص الآخر..مهداه لصديقى الشاعر محمود خطاب

قاللى بصوت مبحوح حزين..

* فاضل رصاصة رحمه واحده..

فى الطبنجه اللى ابتدى ..

يظهر على زنادها صدأ

صدق اللى قال..

إن الضلوع..ممكن تبوش

و ان الوحوش..ممكن تعض..

صباع فى إيدك يا غريب *

**انا مش غريب

و لا عمرى كنت فى يوم..

مدلل من حبيب

او من وليف **

* ها تعيش كده طول المدى

فى رحلة البحث الطويله..

عن رغيف

نمنم..منع عنك تفرغ..

و السبب..إن انت حافض كل تاريخه ..

المبلل باللهب ويا الخجل

فاضل رصاصة رحمه واحده..

فى الطبنجه ..

يا ريت تآمن بالأجل *

أنا قلت..

**يا الله..بالعجل **

قال..

* مستعد يقولوا عنك..

شئ مضى ؟

و انت اللى طول عمرك..

لا طولت الأرض ليله..

و لا الفضا *

أنا قلت..

**مش طايق سيوف الإنتظار

إقتلنى لكن..

فوق جدار القبر..

إكتب بالدموع..

كلمة..

رضا **

التجربه رقم *** من ديوانى عن الشخص الآخر

التجربه رقم *** من ديوانى عن الشخص الآخر

قاللى/

* ما بتحبكش /

دى بتحب ريحة كلمتك

صعبان عليها غربتك /

بين الزوايا المتعبه *

قاللى /

*ما عادشى معاك بقايا مركبه

فيلاش تسلم ليها قلبك و انسحب *

** **

بصيت بروحى على السحب

فلمحت نقطة ضوء /بترسم سوسنه

قاللى /

* أنا خايف عليك من محزنَه

أو طيف نهايه ُمحزنه

فبلاش تمد إيديك لشئ/

فى الأصل مش موجود /

و سيبك من كلامها /

عن العواطف و الهوى *

رديت /

**بتبقى سعيده /

لو قاعدين سوا

و انا مش صغير /

لاجل تخدعنى المظاهر /

لسه جوايا النضوج و الفكر /

و التفكير/

مع بعد النظر **

قاللى /

*نصحتك

إوعى تتخلى فى لحظه عن الحذر *

** **

و انا عمرى أبدا ما انخدعت فى عاطفه

ورده مع اللى يصوننى /

و اللى يخوننى /

أصبح عاصفه

لو عايزه شعرى /

شعرى ملك لكل عاشق للحروف

لو عايزه قلبى/

ها كون لها شلال دفا

مع إنى فى نهاية المطاف

مش لاقى ليً خلاص مطاف

و/

خطاوى قلبى و جسمر /

فى آخر خطاوى فى الحياه /

متكتفه

و ما زلت مش شايف /

فى دنيا الحب /

غير جبل الجفا

التجربه رقم ** من ديوانى عن الشخص الآخر

التجربه رقم ** من ديوانى عن الشخص الآخر

قاللى/

* ما تتقوقع /

و تدخل جوه نفسك تانى/

تانى من جديد

تبكى وحيد فى الأوضه /

لاجل تفوق من الهم العنيد

تاخد معاك ورقه و قلم

يسهر معاك قمر الألم

و تقول/

**/// ألم /

نشرح لك /

صدرك///

وشيلنا هموم كتير عن سكتك؟

قاللى/

*من النادر أصادف ضحكتك

من مده و انت مكتئب

و فراغ رهيب فى بصتك

مع إننا/

لو تانى نحكى قضتك/

نلفاك فى حكم الكون /

جيفارا و عنتره

شقيت طريقك بين دياب القاهره

علمت ياما ببصمتك/

على كل شايلين المبادئ و القيم

علمت كل الناس تقول/

للصح ميت مليون نعم

و تقول بصوت الحق/ لأ /

لو فيه خطأ

خليت حجر رعديد اصم/

معاك نطق *

قاللى /

* ما تستنى النهايه/

بقلب صافى /

و حب و استسلام /

لحد ما تيجى لحظة دخلتك /

على رب عالم بالقلوب*

قاللى/

*دا موت مكتوب على كل العباد*

قاللى

* *

و كان الرد /

إنى وافقت تانى ع البعاد

و /

هربت من فبل الميعاد

التجربه رقم 73 من ديوانى عن الشخص الآخر

التجربه رقم 73 من ديوانى عن الشخص الآخر

قاللى..

* تعالى بسرعه..

نطفى الدمعه *

جيت

* تتمنى إيه ؟ *

**يبقالى بيت **

* روح صلى *

**ميت مليون ها روح **

* يا اللى انت روح..صليت ؟ *-

** نسيت **

و..رميت شباكى ..

فى قلب موج البحر..

راح فين الشبك ؟

و..سألت عن ريحة سمك

ما لقيتشى غير شط السكوت

* عايز تموت ؟ *

** أيوه..يا ريت **

قاللى..

*تعالى بسرعه..نطفى الدمعه.. *

جيت

حسيت كأن الموت سكن..

بين الخلايا و الضلوع

أشبع..و اجوع

و اشبع..

و أقلع كل أعضائى..

اللى نامت و استريح

و..تاخدنى ريح..و تجيبنى ريح

و لا عاد فى عينى الكون فسيح

و لا عاد مريح

حتى الجريح..أصبح جريح

..............................

فوق الطريق..كان السبق

آخر نبأ

إن اللى فاز على قلبى..

كان .. كائن .. كسيح

التجربه رقم 71 من ديوانى عن الشخص الآخر

التجربه رقم 71 من ديوانى عن الشخص الآخر

* هو انت مين ؟*

قالهالى..بعدين اختفى

رديت..

**انا..ويا اللى جاعوا..

ويا لابسين الحفا

ويا اللى عاشوا العمر كله..

ع السفا

ويا اللى باحث لسه عن نضاره..

أو نقطة شفا

ويا اللى مش طايلين دفا **

فاللى..

* يا غاوى الفقر..

روح قابل ساويرس..

هى دى الدنيا اللى فيها العز..

و الكافيار..

دى تبقى الدنيا جنبه..منصفه

سيبك بقى م الشحتفه *

انا قلت..

**فى زمن الجفا..

كل اللى طالبه لقمه..

بعد اللقمه..لازم اقول..كفا

يكفينى اغوص..

مش فى الفلوس..

فى المعرفه **

قاللى..

* الحياه..

محتاجه ألف و ألف حاجه..

بالدولار ..متكلفه *

أنا قلت..

**يكفينى حروف متكثفه

و سطور كتير متشرفه..

بحروفى..فى زمن التسكع..

و البهاق.. و الحنتفه **

قاللى..

*اجيبلك إيه يا شاعر ؟ *

قلت له..

**عندى طبق..على قدى..

مش محتاج حلل..

ولا..مغرفه **

التجربه رقم 72 من ديوانى عن الشخص الآخر

التجربه رقم 72 من ديوانى عن الشخص الآخر

قاللى..

* بلاش تتعبها تانى بالفراق *

فهمست له..

**جوايا بركان اشتياق

جنبه 200 شلال تعب

لكن باقول..

إزاى ها حب ..

و عمرى ضاع من غير سبب**

* من غير سبب ؟..

إزاى و شعرك..

مالى أرجاء الوجود؟ *

**عايز أعود من تانى..

و ابدا اقول..اقول **

* مين اللى قال..

إنك فى يوم هاتكون أفول

أو ماضى .. ممكن يتنسى *

حسيت أسا..حسيت صداع

خدت المهدئ..

لاجل اكون فايق..

و أنزف ع الورق

* العمر قرب ينسرق *

**العمر قرب ينسرق ؟ ؟

العمر من بدرى انسرق

و هلالى لسه ما برق **

* و الحل ؟ *

**لازم نفترق **

* أنا و انت ؟ *

**لأ ..

أنا و المرايه اللى انت دايما..

فيها لابس هدمتى **

* ليه كل حاجه أقولها ليك..

بتكون غلط ؟ *

**علشان بترفض كل يوم..

تمضغ عشانى فى الزلط **

............................

و.. اخدته من إيده اليمين

فجأه..لقيته فى الهوا

و لقيتنى جنبه..

و كل أعضاء الجسد..ويا الجسد..

من غير ما ندرى..

بتختلط

*أم ابــراهـيم رضوان

*أم ابــراهـيم رضوان

ساعة خروج الدم من بُقك .. بكيت

يا ام ابراهيم .. يا صاحبة البيت العتيق

يا كعبة القلب اللى كان .. بيدق لحظة طَلِتِك

إيه اللى خلى الدنيا تقطف قلتك

تِفضى وانا عطشان يا أمى فُلتك

إيه اللى خلى جتتك

تحضننى فى لحظة دخولها فى الكفن

إيه اللى خلى القلب جنبك .. جوه قبرك يندفن

ويحس بالوجع الأليم

يا ام ابراهيم ..

يا ام الروايح من غصون السوسنه والطمى والحرف الحلال

يا ام العزال اتباع عشان .. تلقى ( عشا ) لاجل العيال

يا ام الأمال .. زى الجناح .. متكسره

رافضه صراخ القاهره

رافضه زحام كل المدن

تِقل البدن يا حبيبتى فوق سكة شجن

نخيتى من كُتر المحن .. وصرختى آه

داست على قلبى الحياه .. يوم أنتك فى المندره

يوم الرجوع بيكى ورا

يا صاحبة العقل الحليم

يا ام إبراهيم

الماشيه فوق جرحك .. وكل الحلم إنك تِوصَلى

من نهر نيل مصر العزيزه تِغسلى ..

وشى .. وصدرى .. وهدمتى

تدعيلى لو طالت فى قلبى أزمتى

ألقاكى حافيه .. أَلَبِسك فى جزمتى

وامشى على قزاز الحياه .. حافى بتلسع خطوتى

كل الدروب الكارهه لسه كلمتى

وبتهرى فىّ بألف ألف شيطان رجيم

يا ام ابراهيم .. يا ام البشر

الجلد فوق جسدى اتقشر

وخبر سقوطى ع البلاط .. قبل السقوط حتى انتشر

ولُولاكى لا استسلمت لكلاب القصايد ..

كل كارهين الحروف

ولولاكى لا استسلمت للخوف اللى حاول

قبل ما اجى يعضنى

يا اللى بعادك هدنى .. فوق كل أطلال الوجود

ألقاكى أرضى فى السجود

والقاكى لو بصيت دقيقه فى السما

يا ام ( المسام ) متبسمه

يا مقسمه دايما علينا بفرحه

فى نص الرغيف اللى انحرق من ضهره .. شاط

ومقسمه بينا شموع الفرحه ودموع العياط

ومنسمه فوقنا إذا دُوخنا ..

وداس شيخنا علينا بدون لزوم

ومعلمه على قلبنا المحروم بكفة حضرتك

إيه اللى خلى دفـنتك .. مانشيت فى كل الصحف

واما المرض فوقك زحف

وصيتى قلبى بالرضوخ

وحميتى روحى م الشروخ

وهمستى لىّ ( إحترس .. السكه مليانه شيوخ

بفتاوى مش قد العقول

قول يا ضنايا .. وقول .. وقول

واوعى تخاف

الشيله لو حتى تقيله .. بس طاهره .. حنينه

م المستحيل .. تتعب وترهق فى الكتاف )

ترعش جنازتك فى الضفاف .. وتهزنى

ما حد بعدك عزنى

يا عزيزه يا ام النور كريم

يا ام ابراهيم ..

يا صابره جوه الليل .. يا ( نبره ) مقدسه

مين اللى يقدر لحظه يقفل مدرسه ..

مفتوحه للجمع الغفير

مسموحه للى يعوز غموس

محرومه لو سمعت أغانى مزيفه

العشق ألف عباده لله المجير

واللهفه .. رجفه للحبيب المصطفى

والحب صافى للقلوب المسلمه

والإحترام والنور لعيسى ..

وسِتنا مريم لكل الناس هناك

توبك يساوى جناح ملاك

وإيديكى ضىّ حلال .. بيوصل دافى

من رب العباد الصابره .. علام الغيوب

قلبك يساوى قلوب بتسجد فجأه فوق كل الدروب

وتقول حَكَم

الله حكم .. ودى حكمته

أمشى لوحدى سكته

واكتب حروف إسمك على

ضىّ الليالى اللى انكتم فيها الصراخ

وابكى على قلبى اللى شاح قبل الميعاد

فى سكة الليل البهيم

يا ام إبراهيم

يا جرح ساكن جوه عضمى اللى انتنى

يا دمعه نازله فوق خدود السوسنه

أفرد فى عودى اللى انحنى

قدام جدار قبرك وانوح

ايه اللى خلى العمر من بدرى ينوح

ايه اللى خلى البدر جوه الليل يروح ..

عل سكه تانيه ينام هناك

إيه اللى خلى الكون هلاك .. والنور هلك

يا طاهره .. يا أحلى ملك .. جوه الحياه

يا ريحه من عرش الإله .. يا مملكه

قلبى تِعب م اللكلكه

ومن العباد المشركه

ومن الليالى الحالكه

ومن الطريق اللى بَكى

ومن الجنين اللى اشتكى

ومن الدروب المُهلكه

ومن الرجال .. ومن الحريم

يا ام ابراهيم .. يا سلطنه

ما اقدرش اقلك يا أنا

يا ( كل ) ساب ( الجزء ) ضايع فى الشعاب

وصراع كلاب ويا الدياب

ورياح فى عضم النور تزوم

وهموم بتولد فى الهموم

وغيوم على باب الكريم

يا ام ابراهيم .. يا ام النِعم

يا ام ( ابراهيم ) اللى اتولد بيقول نعم

يا كبرياء مليون هرم .. بايس بشوق مليون هرم

يا فروع كرم ..

على كل أبوابنا اللى صدت من دخول الضلمه فيها بانتظام

يا ام الكلام .. أكبر وأضخم من حروف كل الكتب

يا ذوق بينطق بالأدب

يا شجاعه فى مواجهة رياح الثرثره

وكلام مُشبع باللهب

وتَحدى للحاكم إذا .. بان فوق كتافه فى يوم ( قتب )

أو داس على الحرف الكريم

يا ام ابراهيم .. قومى بقى

ضاقت قلوبنا الضيقه

وتعبنا من كتر الشقا

وطريق بعادك شقنا

ضاع يا حبيبتى حقنا ..

بين العقول التايهه فى الريحه القميئه المجرمه

بين جمجمه .. حاضنه بشهوه جمجمه

فوق خطوه باهته مؤلمه

يا ام الشهود الصادقه .. ماتت من زمان المحكمه

واحنا خلاص .. سلمنا فى كل النِمر

مابقاش قمر فى الدنيا بعدك يا شعاع مليون قمر

والرب يوم موتك أمر كل القبور

تنده عليكى عشان تضمك .. تحضنك

قولتيلى إن الموت لا يمكن يحزنك

ولا يسجنك .. إلا انكتام الصوت فى أطهر حنجره

يا بسمه حتى مع انتهاء الغرغره

يا مَسْطَره

قاست فى طولنا وعرضنا

إحنا فقدنا أرضنا

لحظة رجوعنا م القبور متخرطين

وهدومنا جوه الجلد طين

وحزين طريقنا تحت رجلين الدمار

والإنهيار فينا استوى

دخل الهوا فى صدورنا .. مش هو الهوا

ولا هو دا الصوت القديم

يا ام ابراهيم .. ( يا قلنسوه )

الجرح كاره فى الدوا

والباب ماهش طايق هوا

واحنا اللى كنا زمان سوا

أصبحنا جوه الموت سوا

صبحت هدومنا قبور فى زحمه بدون وجود

جوه انحناء .. ماهش سجود

ولا يوم هاقول لازم نعود .. آه يا زمن

هاتعود لمين .. والكل ضاع جوه الوطن

والكل باع من غير تمن

لو يوم فتحنا عليكى قبرك يا حياه

هانلاقى راية مصر ملفوفه بحب على البدن

ونلاقى كل هدوم كلاب الزفه ع الأجسام كفن

ابراهيم رضوان

التجربه رقم 70 من ديوانى عن الشخص الآخر

التجربه رقم 70 من ديوانى عن الشخص الآخر

قاللى..

* ما تيجى تبص فى الألبوم..

معايا دقيقه..

يمكن تفتكر ..

ويايا عمر قديم مضى *

أنا قلت ويا نجاة..

**خلاص..راح و انقضى **

قاللى..

* رضا

شكلك لا يمكن ..

يدى ميت مليون سنه

من قبل خوفو..

و انت فى المعبد هنا

قاعد بتكتب..و الجميع..

مشغول و نايم..

جوه حضن اللمبى..ويا عكاشه..

ويا الدروشه

كل الخطاوى فى سكتك..

متكلبشه

و الناس فى كل مكان معاك..

رغم النهايه..مفتشه

حتى الإيدين اللى انت عايز..

تبنى بيها البيت بقت ُ..متخربشه

و الكل ضايع فى العتاب..

و الكدب..و حروف البنات و الدردشه *

أنا قلت..

**مش محتاج لغير..

فُرقه طويله مع البعير..

و خصام طويل جدا..

مع الليل العليل.. و النعنشه **

فاللى..

*وصلت لحد جسر البربشه

بتبص ع اللوحه..تشوف..

طيف الطشاش..و الفركشه *

أنا قلت..

**راضى عن المسيره..

بس مش عايز أموت..

مزنوق نافوخى .. فى بطن حوت

أو .. فى صفوف .. الدروشه**

* كافر *

**يا ريت أرجوك تسيبنى دقيقه..

ألحق فى العِشا **

التجربه رقم 69 من ديوانى عن الشخص الآخر

• التجربه رقم 69 من ديوانى عن الشخص الآخر
  
  
  
  
  
  
  قاللى..
  *ما تهملهاش *
  
  
  صرخت بأعلى صوتى..
  
  
  **مهمله
  
  
  كانت يتسرح فى الحاجات التافهه
  
  
  فى نص الصلا
  
  
  مع إنى كنت معاها..
  
  
  عاشق فيها ألف و ألف شئ
  
  
  ضحيت عشانها بالصديق..
  
  
  ويا اللى فضلوا معايا..
  
  
  ظول العمر فى بيت المنى
  
  
  أنا كنت ليها السوسنه..
  
  
  لكنها..
  
  
  خانت فى لجظة غدر..
  
  
  عشرة كام سنه
  
  
  و كفايه إنى رجعت بيتى..
  
  
  كل حاجه فى بيتى طاهره..حنينه
  
  
  عايز أعوض كل حاجه فقدتها
  
  
  علشان أرمم كل جدران الحياه
  
  
  الإعتراف بالذنب يشبه للصلاه **
  
  
  قاللى..
  
  
  * ماهش أول ..
  
  
  و لا آخر حبيبه..
  
  
  تخون حبيبها المنتظر*
  
  
  أنا قلت..
  
  
  **فاقده فى النظر
  
  
  كان إيه ناقصها..
  
  
  بعد ما سلمت ليها المقدافين
  
  
  سيبنى بقى أرجوك أعيش..
  
  
  فى حضن فيه أزهار حلال..
  
  
  و قرنفله
  
  
  الشك أصعب سلسله
  
  
  سيبنى أجيب لمراتى..
  
  
  زهره .. طاهره ..
  
  
  من أطهر خلا **
  
  
  قاللى
  
  
  * *
  
  
  ما كملشى الكلام
  
  
  ساعة ما عيدت عليه كلامى..
  
  
  و قولتله بالزلزله..
  
  
  **كانت بتسرح فى الحاجات التافهه..
  
  
  
  
  
  
  
  
  فى نص الصلا **

التجربه رقم 68 من ديوانى عن الشخص الآخر

التجربه رقم 68 من ديوانى عن الشخص الآخر

قاللى..

* فيه جواك غرور..

واضح ملامحه فى كل حاجه *

قاللى..

*شئ ها يطول فى شرحه..

بدون ديباجه *

قاللى..

*حاول.. .. .. ..*

قبل ما يكمل .. .. شَتمتُه

قبل ما يكمل.. .. كتَمتُه

و ابتديت بصراخ أناقشه

قولتله..

** دى مش طبيعتى **

قولتله..

** أنا حظى .. إن الساعه..ساعتى

كلهم أولادى..شربوا الحرف منى

كلهم عارفين بأنى..جزء منهم

عمرى ما ابعد لحظه عنهم **

قاللى..

* كل اللى انت قولته..

فيه دليل على إنك انت..

جبال تكبر *

قولتله..

** الله أكبر..إنت ظالم**

قاللى..

*فوق دايما لنفسك..و اوعى تنسى..

إنك انت رقصت..

فوق كل السلالم*

قولتله..

**أقوال .. رخيصه **

قولتله..

**سنتك .. كبيسه **

قولتله..

**الكل رافضك..الجوامع ..و الكنيسه **

قاللى..

* يا ناقص دراسه..ليه بتغلط ؟

مستحيل من تانى اصارحك

إنت ليه بتدارى جرحك..

بالحروف الأبجديه؟

اللى فات..صعبان علىً *

سابنى فجأه

و المفاجأه

إنى شفته فى كل ندوه

و الإيدين نايمه ف جيوبه

المفاجأه..

إنه لما ذكر عيوبى

إلتقيتها..

هى نفس جميع عيوبه

التجربه رقم 67 من ديوانى عن الشخص الآخر

التجربه رقم 67 من ديوانى عن الشخص الآخر

* أرجع تانى و اقلك..ضلك..

واصل..واصل..واصل واصل*

قلت

**انا ها مشى **

قاللى..

* لا يمكن..

يا محصول الشعر يا حاصل

إعرف قيمتك

واقفه يمامتك..

فوق أوراق الشعرا الشعرا *

**بينى و بين المكتوب.. شعره

و المكتوب قرب يحصلى **

قاللى..

* بلاش تتكلم تانى..

و تجيب سيرة الموت الواصل *

قلت ..

**الموت من بدرى..وصلى **

قمت أصلى..لقيته أمامى

لقيته إمامى

قمت أنظم نفسى و وقتى..

فكان خدامى

قات..

**جعان **

جاب لىً رغيف..

لفنى بحزامى

كان فيه قط لقيط فى الشارع

أصبح قط ميدان..و سيامى

و شاشات نايمه

و شاشات قايمه

و كلب حرامى

**سيبنى أهاجر **

سابنى..و..هاجر لبلاد بره

قلت..

**انا عايز أخبار ساره **

قاللى..

*لا بد تخليك جوه

غربه ما تسوى

إوعى تسافر و تسيب حوا *

و اما رجعلى..

شايل ألف شوال دولاراتى

كنت فى آخر خطوه يتيمه..

فى كل حياتى

أيوه شبح..فاقد فى القوه

التجربه رقم 65 من ديوانى عن الشخص الآخر

التجربه رقم 65 من ديوانى عن الشخص الآخر

قاللى..

*ما تتحرك *

رميت..

فى الطشت ..قرموط الحظوظ

و حلفت لازم يوم أفوز

و حاربت فى جيوش التتر..ويا الدروز

و فرضت نفسى ع الوسط

كان كل ما يشوفنى ..

فى أول صف..دايما ينبسط

شجعنى تانى على الوصول

و على الدخول ع المعمعه

قاللى..

*دا شاعر شحط..

شاعر جهل..

شاعر ضفدعه

خليك مع..قلمك..لأنك..مختلف *

لم نختلف فى الراى يومها و قلت له..

**عايزك سلف **

قاللى..

* ما انا و انت حبايب م الألف

بس انت شد الحيل..

و هات للخيل علف *

لحن انعزف

شريان نزف

عقرب قذف

شاعر دهب..

شاعر خزف

و..طلعت فوق البرج..

شافنى الكل أعلى م الهرم

دا لحد ما الكوز انخرم..

ويا الأوزون

جيبى نسى..شكل الأذون

و بحثت عن صراف..

أجيب منه الريال

ما لقيتشى غير حظى اللى مال

فرجعت طلخا..

لقيته بايع..فى العزال

التجربه رققم64 من ديوانى عن الشخص الآخر

التجربه رققم64 من ديوانى عن الشخص الآخر

قاللى..

* ما تعتزل الكتابه..و القرايه..

و الحكايه ..و الخروج *

قاللى..

*خلاص الموج صبح..

مليان بشهوه و رحرجه

و ان الحروف..

صبحت ديكور..مع بهرجه

و ان العويل الكلب..مفقود الرجا

قاعد على الكرسى اللى حاضن..

فى المنصه المبهجه *

قاللى..

*ما تركب جنبى..فى مركب نجا

و اهجر بقى..

مخرج .. و ساعى.. و مخرجه

إنت وصلت شطوط نهايه ..

و حشرجه*

قاللى..

*صديقك راح لخرارة الخليج..

و رجع بريحة فرنجه *

قاللى..

*فضلت تقول..و..تانى تعيد..

عن الحب اللى جوه الأنسجه

الشوك..برغم الجرح..

شفته بنفسجه *

قاللى..

*لقيت الروح حزينه..محرجه *

قاللى..

*لا بد تشوف طريق

غير القرايه.. و الكتابه فى المضيق *

أنا قلت له..

**أرجوك تسيبنى..

عشان يكون للشعر دور

و بلاش كلام العنطظه..

و بلاش غرور

الشعر كان ممكن يبور..

لولا اختلاف الأمزجه

اعود مرة أخرى للشخص الآخر..التجربه رقم63 من الديوان

اعود مرة أخرى للشخص الآخر..التجربه رقم63 من الديوان

أنا قلت له..

**ليه مكتئب؟ **

قاللى..

*لانك مش عاجبنى فى مسلكك..

فى منظرك

و فضلت ياما أحذرك .. من حضنها *

**لو شفت لحظه حستها..تعذرنى **

* لأ..مش ها عذرك

قلبى خلاص قد أنذرك *

أنا قلت له..

**ما اقدرش اغيب أبدا فى يوم..

و أسيبها للقلق الرهيب **

*عمرك ما كنت فى يوم حبيب..

أبدا لها*

**أنا بعدى عنها.. ذلها **

*مخدوع..

لأنك مش أساسى فى الفريق

و لا حتى قاعد فى انتظار..

لاعب يصاب

الزيف أصاب قلبك ..

بطعنه فى الصميم

و الله.. والله العظيم..دى مدنسه

دى عمرها..

أبدا ما كانت مخلصه

فى الكدب ..هى المدرسه*

............................

و ..جريت على الدكان أجيب المكنسه..

و..كنستها

لميت جميع الذكريات..

ويا اللى فات..

بحصان غرورى..و نار شعورى..

دوستها

و..راقبته أكتر من سته

قاللى..

*سامحنى لأن انا..

جمعت كل العمر ليها سوسنه

بعدين وصلت لأرضها..

و..غرستها*

التجربه رقم 62 من ديوانى عن الشخص الآخر بعدها أجازة منه حتى لا أرهقه..هو الذى أبلغنى بذلك

التجربه رقم 62 من ديوانى عن الشخص الآخر بعدها أجازة منه حتى لا أرهقه..هو الذى أبلغنى بذلك

قاللى..

* ما تيجى نصلى *

قلت..

**الجمعه ؟ **

قاللى..

* نصلى طول الوقت *

قلت..

**شيطانى نص الليل سبق **

قاللى..

*ما تيجى نخلى كل الدنيا..

نعناعة نبق *

أنا قلت..

**ناقضه وضوئى..

ست السحر بالوضع الزفر

أصبحت شئ مليان عفر

فناديت على شيخ الغفر**

قاللى..

* ما انا شيخ الغفر *

أنا قلتله..

**و..تعبت من سكة سفر..

واخدانى دايما للمرايه..

و المرايه مقعره

شيخ الغفر فى القاهره

لبسنى توب المنظره

و القشخره

و سحبنى ميت مليون طريق..

معووج ورا

و أخدنى للباب اللى بابه من ورا **

قاللى..

* بلاش الثرثره

و تعالى ويايا لجامع حق

لاجل ندق فوق باب الإيمان..

و الإتزان..و المغفره*

أنا قلت..

**ها رجع تانى اقول الفاهره**

سابنى و راح..

صلى صلاه..من غير عدد

حسيت فى قلبى بالمدد

بصيت لنفسى فى المرايه..

لقيتنى لابس عمه..

ماشى ع اليمين

و لقيته فى الوضع المشين

كان جنبى..

فى هدوم الفرنجه الملعونين

الكافرين..المنبوذين

قسألته..

** رايح فين ؟**

فقاللى بسرعه..

*منك للرءوف الهادى..

و الحق النبين

رايح على البار الللعين *

التجربه رقم 60 من ديوانى عن الشخص الآخر

التجربه رقم 60 من ديوانى عن الشخص الآخر

و..قعدت جوه القاعه..

فوق مليون منصه..أبتسم

ضوء الفلاش..

خلانى مش قادر أشوف

كان كل شئ جوايا..

لسه بينقسم..

من خنقتى ويا الظروف

فضلت عنيه تطوف..

على الحشد الرهيب

و..انا الحبيب..

للست هانم..

كنت سارح فى اللى كان..

و اللى حصل

عودت نفسى ع الكسل

و..على انتظارها ليل نهار

ضيعت وقتى فى الدخول..

جواها..أو..فى الإنتظار

ليلى مفيش بعده نهار

و..مفيش فرج

فجاه صرخ..و..واجهنى..

*مش هاتفوق بقى ؟*

رديت عليه..

**إنت اللى مش فايق..

و متضايق لأنى منتشر **

قاللى..

*دا شئ جوه الهوا *

أنا قولتله..

**يا الله نعيش تانى سوا **

قاللى..

*أنا مجتاج دوا..

محتاج دما*

بعديها مات

مات من سكات

بصيت يوميها للسما

شفت النجوم متألمه

من بعد ما سابنى فى حيره..و اختفى

بصيت لنفسى فى المرايه..

لقيتنى رغم الشهره..

رغم الإنتشار الوهمى..

ناقص..جمجمه

قال النبى

قال النبى

لما تجلى الله لـ ( طه ) فى غار حراء

جبريل سمع مِنُه القسم 

وهمسلُه : 

مكه هاتنقسم نصين فى سكة دعوتك

النُص هايخليه معاك

والتانى فى سكة شيطانُه هاينعزم

واما همسلُه بأن رب الكون معاه .. قلبه ابتسم

واما اترسم .. عصفور كناريا بألف لون ..

فوق كل ألوان الغصون .. الحاضنه فى ورق الشجر

الضوء فى قلب اللوحه ساد .. 

مع إن ليل العاصى كان خلاه فجر

فى غار حراء .. جبريل قعد ..

يشرح لعبد الله أصول الدعوه ويعيد اللى قال

كان الرسول .. عايم فى بحر من العرق

رغم التعب .. الوحى جوه عنيه برق

مبهور بنور الله وبالحرف العفيف

مبهور بجبريل اللى حط دراعه فوق كتفه الشريف

وهمسلُه إن الإختيار .. من فضل رب الكون عليك

الدين هايتحول أمانه بين إيديك

وهاتيجى لىَّ الغار أوصل ليك أمانة ربنا

الله فى نفس اللحظه واقف جنبنا

واضح فى راحة روحنا .. دقة قلبنا

قال الرسول : ( حسيت بفرحة طفل فى أول رضاعه ..

من حنان أمه اللى بصه عليه .. 

فى أول رضعه توصل للعروق

لما تجلى الله .. دخل صوت الشروق

جوايا فى لحظة تجلى مؤمنه )

آه يا سجود السوسنه .. ساعة مرور سِيدنا الحبيب

آه يا ركوع الزهره .. قدام البيبان الأحمديه المُبهره

آه يا آيات مكتوبه فوق السنبله .. فوق كل حبات الدره

آه يا رنين الآيه جوه المندره .. ليلة ما عاد إنسان حبيب

يا جسر ( جوز الطِيب ) يا خيل مبروك ..

على نور المقام فى الليل دخل

قلبى اتنخل .. لحبايب المختار ( قدح ) مليان دقيق

قلبى الرقيق اللى ابتدى ..

يعزف فى أول سيمفونيه مقدسه 

نزلت دموعه فى فصل خالى من فصول المدرسه

والمدرسه .. هى الحديث الآتى من روح الرسول

قال النبى : ( لما سمعت بروحى أصوات الخيول .. 

فى غار حراء قلبى ارتجف

والريق فى لحظة حب ويا الآيه جف

والدُف دق مع القلوب المسلمه .. 

مع لحن طاهر جوه صوته بنحتمى

زارنى الحبيب المنتمى لله 

وقال للروح يا نايمه تحلمى

ياللا بإسلامك وفضلُه هاتسلمى

ولمحت جوه حروفه صوت المأذنه

قبل ابتداء الدعوه .. قبل الناس ما تصبح مؤمنه

والمسجد النبوى الشريف اللى انحنى ..

لرسول مسير الكون يشوفه فى حُضنُه واقف مُنْحَنِى

الله رءوف الله حليم الله عليم الله كريم الله غنى )

فى الغار مع جبريل ظهر .. قمر النسيم السوسنى

فلا تحزنى يا أمة المختار ..

مسير الآيه هاتصدع جبال الضلمه .. 

وتدفى القلوب المسلمه

يا أمة المختار مسير الأرض هاتبوس السما

لحظة صلاتنا ع الحبيب .. سِيد الأمم

لحظة ما يتبرأ أمام المحكمه الإلهيه أصحاب الذمم

لحظة ما تتبرأ أمام المحكمه الإلهيه .. 

أرواح اللى رافضين العما

لحظة ما قاضى المحكمه .. 

يفرش لنا ع الأرض سجادة صلا

يبدأ بصوته فى الدعاء والبسمله

وياخدنا بالصوت الرخيم .. لنجوم شريفه فى العلا

ويقول لروحنا .. إعلى فوق جدا .. لربك واسجدى

زارنى الحبيب ( الأحمدى ) ؟

زارنى الحبيب ( الأحمدى ) ؟

فحضنته واترجيته يملى قُلتُه .. 

لجيوش عطاشه ع الطرق

كَرَمُه صبح فى الضلمه نجم حنان برق

وشرب مع الأرواح صفا

نهرُه شبع م الحب والعطف الشريف والمعرفه

كان فى القمر .. من مُده جزء بينطفى

عاد الضيّا من تانى واكتمل القمر

رجع الشجر من تانى يرسم ع الحجر ..

فى غار حراء .. توته بألف وألف لون

والكل صلى على اللى ( حَنْ ) و ( أَنْ ) .. 

جذع النخله ساعة قعدته

وبرك على ضِلُه الجمل 

وسجد على كتفه يمام بجناح أمل

وحماه إله الكون فى رحله مقدسه

الكل صلى ع الرسول اللى صبح .. 

أستاذ عظيم فى المدرسه

والمدرسه .. مفتوحه لسه فى الفصول الأربعه

كان ضد طول الليل .. وكان دايما مع ..

سِيل الضيّا الممدود من الأرض البراح ..

للقلب لو مؤمن وطاهره دقتُه

زارنى الحبيب .. مع دخلتُه .. إرتحت من كُتر القلق

سبحانه هو اللى خلق

قلبه الحبيب الصافى لاجل يدق بابنا بانتظام

ويجيب لنا الإسلام عشان نقدر نكون

جبريل ظهر فى الكون عشان .. 

يعلن بأن الدعوه هى الأمنيه

وسمعت من قلبه الحروف النابعه .. 

من أسرار ختام الأنبيا

قدم ( عناقيد الضيا ) .. للدنيا .. زانت حُسنها

قلعت بقايا حُزنها واتبسمت

عناقيد آيات الحب بيننا اتقسمت

وفرحنا .. كان مصباحنا شلال الحديث

أصبح ( على ) لينا جليس

( أبو بكر ) .. و ( الصديق عمر )

رجع القمر من تانى يدخل فى الوريد

رجع الوليد من تانى .. يرضع حب من أم الصفا

الله يا سِيدى المصطفى

الله يا مولايا اللى جانى الفجر من عند الإله

الله على اللى أخدنى من لحظة ميلادى للإله

الله على اللى هواه صلاه

الله عليه .. لما همس للدنيا لازم تحلمى بالأمنيات

زارنى الحبيب وياه آيات

وندانى واتهجانى حرف نورانى .. جانى بالعناقيد الإلهى ..

وتانى خدنى لدايره طاهره معطره 

الكلمه للولد اليتيم مُهرة شبع .. 

والحرف للبنت اليتيمه إسوره

ووصل لروح الدنيا فى كل الوجود .. فاتبسمت

واتنسمت منه الحنان الأحمدى

آه يا حبيبى يا سيِّدى .. يا نفحة الزهر الندِّى

يا شعاع طريقنا السرمدى .. آدى يدى

ممدوده للرحمن أطول المغفره

الذنب بيرجعنى .. ميت مليون سنه واكتر ورا

والخالق الرحمن لنا قد أنذر

لكننا راكبين خيول الذنب .. مش داريين بآخر عمرنا

أشياء كتير فى الزحمه حاكمه أمرنا

ونسينا أنهار الأمانى الطاهره والموج الحبيب الزمزمى

زارنى الحبيب قبل الميعاد .. الشمس باركت سكتى

باست فى كفه كفتى .. نزلت فى نهره دفتى

وزرعت زاويه من زوايا الأرض بالشِعر الحلال

صلينا بعد أدان بلال .. 

وبكينا ويا حروف مصابيح الضيا 

ووقفنا .. كان لينا الإمام .. طه ختام الأنبيا

والأمنيه .. حققها قلبى وقلبه فى سجدة وفا

علمنى قلب المصطفى يبقى الكرم .. لاجل الأحبه ..

( حاتمى ) مالهوش حدود

زارنى الحبيب علشان أسود .. 

ع الأرض بالإسلام بآيه مقدسه

جوه الصباح .. جوه المسا

مسح الدموع الطاهره من فوق الورق

بعدين برق .. جوه العيون اللى انطفت

جوه السحابه اللى اختفت .. من بعد ما جف المطر

الطفل م الحزن انفطر .. 

وفطر حليب غامق لأن الأب مات

والأم تاهت من سكات

والدنيا بانِت رغم شمس الكون حزينه مغيمه

العاصى قال ليها يا دنيا غيِّمى على كل شئ

زارنى الحبيب خلى الطريق .. أخضر مضئ

واتوضى جنبى من عصير النهر قبل ما يردموه

فى السجده نزلت دمعه واتذكر أبوه

واتذكر الأم الحبيبه والدُعا

الله لروحنا بعد جبريل اللى جانا قد دعا

واما دعا .. لبينا فى أشرف ندا

الورده رغم شبعها محتاجه ندى

قمر العطاء .. عمره فى يوم ما يضيع سُدى

ولا عمره يغزل غير حرير الكعبه .. غير فرس الحرم

الحبه جوه السنبله .. أكبر وأكتر م الهرم

واللى انحرم .. ربك ضرورى يعوضُه

وان يوم تِعب بيعودُه .. ع الجرح والليل الشحيح

قلب اليمام لو بات جريح

يتهز كل الكون لحزنُه وانكساره فى الرياح

أنا مُصحفى هو السلاح .. لىّ أمام جيش الذنوب 

الرب عالم بالقلوب

وانا قلبى لسه بحب متعلق على قماش المقام الأحمدى

الحب هو سَيِّدى

والرب حارس قلبى من نار النهايه المزعجه

قلبى زرعته بنفسجه

ورسمتُه آية حب جوه الأنسجه

وسمعت صوت الضىّ نص الليل ..

بيهمس تانى للروح الجريحه .. إسلمى

زارنى الحبيب من تانى .. نزلت دمعتى .. ولقيتنى طاير فى السما

طه رفعنى لفوق وخلى القلب من حُبه سما

ورسم على أوراقى عنقود الضيّا

صليت بقلبى الصافى أيوه ناديت إمام الأنبيا

فسمح لروحى بالدخول

صليت بشوق .. نزلت سيول .. من عند رب العالمين 

تِلعن غراب البين فى شكله ( الأُنسوى )

الله عزيز .. الله مجير .. الله قوى 

الله أخدنى لجنه طاهره بدون حدود .. 

وبدون قزاز .. وبدون إبر

الله بيحمى اللى صبر ويقدره

مين غيره يقدر يسنده .. ويصبره

مين غيره قادر ع الشفا

آه يا حديث المصطفى .. جوه قلوبنا المتعبه

آه يا نجومنا الخضره من قبل الصبا

للروح همس .. لو تذنبى .. 

لازم فى ليله هاتندمى مهما حصل

زارنى الحبيب والنور وصل

ومعاه ( دوا ) ربانى للخيل اللى تعبت م الرحيل

شال الضلام .. من ضلمه داخل أى ليل

داوى فى صاحب جرح .. لو مجروح بإيد كافر عنيد

م الإيد .. يشيل بحنانه قيد .. دايس عليها من زمن

الضىّ فى الغربه وطن .. 

والصمت فى الوطن اغتراب

وانا مش هاقول أبدا ( أنا )

وانا مش هاقول الزور هنا .. أصبح حروف متلحنه

وانا مش هاقول الكدب فجأه حولوه لقانون غبى

آه يا حديث سِيدنا النبى

أنا مش هاقول إن السياده .. للخسيس اللولبى

وان احنا حاضنين الوجع والجمره .. نمنا ع الحروق

وان القزاز دخل العروق من غير سبب

من غير سبب ؟ .. كان السبب :

الصدق ويا النفس مهما الحال يميل

الوقفه ويا الحق فى الزمن العويل

عدم الرياء والكدب ونفاق الغنم

عدم الرضوخ والإنحناء قدام صنم

عدم الإهانه لقلب مش قادر يقول .. للكدابين أبدا نعم

وأهم شئ .. الإحترام والحب دايما للقلم

علشان يقول للأرض قومى اتكلمى .. 

إوعى تخافى م الكلام

زارنى الحبيب .. نور المحبه والسلام

وغسل فى كف السكه من نهر الحروف

واتوضى من ضىّ الرءوف

واتحنى بالمطر اللى باس الطفل قبل ما يفطموه

وحلف ما نجمه تتوه فى أحضان السما

ولا إيد دنيئه .. تشد من قلب الوريد كل الدما 

ولا ديب يدوس بحوافره أعظم ملحمه

ولا حاجه تحمى قلوبنا غير حامى الحما

وهمس لشمس العطف .. لازم ع الجميع تتقسمى

زارنى الحبيب .. وهمس لروحى اتنسمى

شاف النفوس متكسره .. شاف القلوب متحيره

شاف العيون متحجره .. شاف الوجوه متغيره

معجونه بتراب القلق

( عناقيد ضيا ) .. والوجه بان .. سبحانه هو اللى خلق

سبحانه خلى الحرف يقدر ينطلق

ويبوس جميع الدنيا يِوهبها العطا

يصبح شتا فوق الجفاف .. يصبح لحاف يصبح غطا

ويكون ( عطا ) .. للمحتاجين ملح الحياه

ينطقها آه .. ويدوب فى حضن قرنفله

يمحى الحاجات المخجله .. ويدوب حياء

يا رمز للفجر الشريف والكبرياء

يا فِكر سابق فى الزمن

قلبك وطن للعاشقين المغرمين

وعنيك سكن للهربانين .. من قسوة الزمن الصعيب

وياك تطيب كل القلوب من لمستك

وياك تطيب الرعشه .. تهدى بشمستك

مع همستك .. فوق كل أوراق الوصول

تبكى معانا يا رسول .. وتضمنا

كانت رقيقه وطيبه .. وشريفه جدا أمنا

كنا بنورها بنحتمى .. مهما تطول بينا الدروب

زارنى الحبيب هادى القلوب

وفتح كتابه اتفجرت .. 

كل الحروف بالنور وبالقول العفى

قمرُه الوفى .. نام فوق سطوح الفجر ديك

يا رب واحد فى الوجود مالهوش شريك

إحمينا من شر السموم

لو متداريّه ونايمه فى سن القلم

واجعلنا فى الدنيا علم .. مرسوم عليه ( عناقيد ضيا )

نصبح زهور إلهيه فى سكة .. إمام الخير .. ختام الأنبيا

نصبح حروف الصدق داخل أغنيه ..

للهادى مصباح الدخول للعرش .. للقُول الشريف

أعجن فى قلبى لاجل كل الناس رغيف

وأكون على المدنه بلال

أشبع من الطبق الحلال

وأقول لروحى .. فى الرءوف اتعشمى

زارنى الحبيب الصافى قال للروح تعالى واسلمى

وهمسلى يا بخت اللى فاز

فهمست ليه : أرجوك تكون الورده ..

فارده غصونها للقلب اللى عاز

تمسح قزاز الصبر من قدم الحصان

تصبح فى شوك الدنيا نسمة سيسبان

قارب نجاه .. فدان حنان 

إنسان بروح إنسان بيطفى فى الطوفان

وان شفت يوم فى بلدنا جيش ( كفار قريش )

بيرددوا : ( يسقط يعيش ) 

كون جوه كل مكان أدان 

يا اللى انت جوه الروح رسولنا من زمان

جبريل ما زال فى قلوبنا نور مالهوش حدود

جبريل ما زال فى الروح ورود مالهاش عدد

يا اللى انت جيبت رساله لينا مهدت .. لبداية اللعمر الطويل

جنه مفيش ليها مثيل

قد السما والأرض والكون البراح

جبريل فى غار الحب بعد ما علمك .. علمتنا معنى السماح

وخرجت بره حراء دموعك ع الهدوم

زالت صحيح كل الهموم

لكن حمولتك أصبحت زى الجبل

وهاتعمل ايه فى المشركين المزروعين جوه الصنم

مين اللى هايقلك نعم

مين اللى هايصدق بأن الله فى كل مكان ضيا

وانك رسول الله ختام الأنبيا

جبريل فرح بلقاك .. فرحت بدخلته بالنور عليك

كان كل لحظه عنيك تبص عليه بفرحه وشوق أصيل

أصبحت للعالم دليل .. باين شعاعه من بعيد

أصبحت عيد للمتعبين المحتاجين دايما لعيد

عمرك ما كنت فى يوم وحيد .. 

حتى يا طه فى غار حراء

كان ضىّ جبريل اللى جايلك م الإله .. 

مالى عليك كل الجهات

داخل عليك الغار يا أحمد من سكات

حتى فى طَبْطَبتُه عليك .. كان زى نسمه مؤمنه

شفافه .. بيضه حنينه

الغار فرح .. لما لمح جبريل معاك

كفار فى كل مكان هنا .. وانت هناك

فاتح وريد القلب للدين اللى هاينضف ربوع كل الحياه

ويغيّر الكون اللى ماشى فى اتجاه مليون صنم

الله ناداك رديت نعم

نزلت رسالته عليك يا قنديل الوجود

اللى صبح وياك وجود 

أشعلت بركان الخلود .. وبقيت نبى وبقيت رسول

كان جوه قلب الغار جنود بصه عليك

الله على دمعة عنيك .. ساعة نزول جبريل إليك شايل نبأ

الله عليك بدأ السبق .. بينك وبين كفار شُداد

بينك وبين أكبر ( عتاد ) فى المنطقه

أعلنت فى رسالتك وقفت على الجبل

تتحدى حبل المشنقه

وصلبت عودك .. كنت واتحملت واتجمِلت .. 

واتكملت بالدين الحنيف

ولا خفت من كل الطغاه

صبحت جموع النور معاك أعظم سند

وهبك إله الناس سند

كتروا الآيات فى مكه .. زاد النور وفاض

ولا حد بعدك راح على الغار اللى أصبح معجزه

ولا حد فى الدنيا انجرح قدك وداس فوق الهلاك

فى البدء كان وياك إله العالمين

أصبح معاك ملايين .. 

وكل صديق بميت مليون صديق

وما زلت فى العالم مضئ

بس الخوارج لسه بيننا يا رسول

بيدوسوا فوق قمر الأصول

وبيقفلوا كل الفصول فى المدرسه

بس انت لسه بتمشى بيننا كلنا صبح ومسا

أحاديث شريفه مخلصه

بتريَّح القلب الحزين من كل شئ

الضيق .. وألف مضيق .. وشلال الأسا